ნინი ებრალიძე:წიგნი თუ კომპიუტერი?

დიდი ხანია გაჩნდა კითხვა:წიგნი თუ კომპიუტერი?

ამ კითხვამ ჩვენც ჩაგვაფიქრა,მოზარდები.ხან ვფიქრობთ,რომ კომპიუტერი ჯობია,ხან კი წიგნის აუცილებლობაზე ვაჩერებთ  ყურადღებას.სადაა სიმართლე?რას ფიქრობენ ადამიანები? ჩვენი საკვლევი თემის ჩამოსაყალიბებლად,უმჯობესად ჩავთვალეთ,ისეთ ადამიანებთან აგვეღო ინტერვიუ, კომპიუტერთანაც რომ ექნებოდათ უშუალო კავშირი და წიგნთანაც.ამისათვის შევარჩიეთ ჩვენი სკოლის მენეჯერი-სიდონია ჟიჟილაშვილი და ბიბლიოთეკარი-ნელი ბუთურიშვილი.

ინტერვიუ ბიბლიოთეკართან,ქალბატონ ნელი  ბუთურიშვილთან:

-ქალბატონო ნელი! თქვენ უდიდესი მისია გაკისრიათ სკოლაში-მომავალი თაობა დააახლოვოთ წიგნთან,ასწავლოთ წიგნის სიყვარული,მისი მოვლა.როგორ ახერხებთ ამას?რას გვეტყოდით თქვენს მკითხველებზე ?

-მთელი ჩემი ენერგია მოვახმარე ,როგორ ვასწავლო წიგნის ყადრი მოსწავლეებს.წიგნი რომ ადამიანის ცხოვრების განუყოფელი ნაწილია,ეს ანბანური ჭეშმარიტება მას შემდეგ არსებობს,რაც პირველი წიგნი გაჩნდა ქვეყნად,ხელნაწერი იქნებოდა ის თუ გუტენბერგის მიერ- გზა-გაკვალული.

წიგნის სასიკეთო პროპაგანდას ზიანი არასოდეს მოაქვს.მოსწავლეებს ვეხმარებისაჭირო წიგნის შერჩევაში.ვცდილობ ყველა ბავშვს შევაყვარო წიგნი.შეკითხვით ვამოწმებ,თუ წაიკითხა და როგორ გაიგო წაკითხული.მოსწავლეების დასახმარებლად ვადგენ საძიებლებს ჟურნალ-გაზეთებიდან და გაკეთებული მაქვსსარეკომენდაციო სია კლასების მიხედვით.მოსწავლეებს ვაფრთხილებ,დააბრუნონ წიგნი დროზე,მას სხვა მკითხველი ელოდება.

მშობლებს ვესაუბრები საოჯახო ბიბლიოთეკის მოწყობის შესახებ,ხოლო მოსწავლეებთან ვსაუბრობ კლასგარეშე კითხვის მნიშვნელობის შესახებ.კითხვადობა გაიზარდა და კითხვით დაინტერესება ეს 2 წელია.ბავშვებს ვუხსნი,რომ წიგნი სათამაშო ნივთი არ არის,მას ფაქიზად უნდა მოექცნენ.მოსწავლეებს საოჯახო ბიბლიოთეკიდანაც მოაქვთ წიგნები და ურჩევენ ერთმანეთს მათ წაკითხვას.ბავშვები წაკითხვასთან ერთად ცვევიან წიგნის მოვლას.კარგ მკითხველებად ითვლებიან მე-6,მე-7,მე-8 კლასის მოსწავლეები,მაგრამ გვყავს აქტიური მკითხველი მასწავლებლებიც:ბუაჩიძე ნინო,ჯმუხაძე ამირან,ჩხაიძე ლია,ხურციძე იზა,ჩაჩუა ნათელა და სხვები.ისინი ძირითადად სამეცნიერო ლიტერატურით ინტერესდებიან.

-ეთანხმებით თუ არა მოსაზრებას,რომ კომპიუტერმა შეცვალა წიგნი?

-ვერ დავეთანხმები ამ მოსაზრებას,რადგან მიმაჩნია,რომ წიგნი ისევე სეუცვლელია,როგორც ისტორია ჩვენი ქვეყნისა.წიგნმა შემოგვინახა ჩვენი სიმდიდრე,ამდენად ის ჩვენი შეუცვლელი განძია.

-რა პრობლემა გაწუხებთ ყველაზე მეტად?

-ბიბლიოთეკა არ მარაგდება წიგნებით,განვიცდით წიგნების ნაკლებობას.არადა მოსწავლეებს ძალიან ჭირდებათ თანამედროვედ გაფორმებული,ილუსტრირებული,მაღალი ხარისხის ლიტერატურა.უნდა შევუწყოთ ხელი მოზარდებს,რომ არ დავუკარგოთ წიგნისადმი სიყვარული.

ინტერვიუ ისტ მენეჯერთან,ქალბატონ სიდონია ჟიჟილაშვილთან:

-თქვენ ბედნიერი გამონაკლისი ბრძანდებით იმ მხრივ ,რომ მოსწავლეებს ძალიან უყვართ კომპიუტერი.გვაინტერესებს,რა მხრივ ვლინდება ეს ინტერესი,რა მიზნით შემოდიან კომპიუტერულ ლაბორატორიაში და ვისთან ერთად?

-მოსწავლეები,რომლებსაც შეხება არა აქვთ კომპიუტერთან,როგორც სათამაშო მანქანასთან, უფრო ინტერესდებიან ამ მისი შესწავლით,ვიდრე უფროსკლასელები.ვიდრე უშუალოდ საგნის თემატიკას შევეხებოდეთ,მოსწავლეები ინტერესდებიან თამაშებით,სოციალურ ქსელებში მოწერ-მოწერით,საუბარია მე5,მე-6 კლასელებზე.უფროსკლასელები ტექნოლოგიებს იყენებენ ინფორმაციის მოსაძიებლად,სოციალურ ქსელებში კომუნიკაციისათვის,სხვადასხვა ქვეყნის კულტურის გასაცნობად და ,,გასართობად”.

-ამბობენ,რომ კომპიუტერმა შეცვალა წიგნი.როგორია თქვენი დამოკიდებულება ამ თვალსაზრისის მიმართ?

-ჩემი აზრით,კომპიუტერი წიგნს ვერასდროს სეცვლის.თუმცა გავრცელდა ასეთი აზრიც,რადგან მოსწავლეები უფრო მეტ დროს ატარებენ კომპიუტერთან,ვიდრე წიგნთან.თუმცა მე ვერ დავეთანხმები მოსაზრებას,რომ კომპიუტერმა შეცვალა წიგნი,რადგან ეს ორი არასოდეს გამორიცხავს ერთმანეთს.მოსწავლეთა ერთი ნაწილი კარგად ჩასწვდა ამ აზრს და ცდილობს წიგნით მიღებული ცოდნაგაავრცელოს კომპიუტერის მეშვეობით.

-პრობლემა,რომელიც გვხვდებათ პრაქტიკაში?

-პრობლემაა,რომ ჩვენი საგანი ისწავლება მხოლოდ მე-5,მე-6 კლასში,ხოლო ბლოგების კონკურსი ცხადდება საბაზო და საშუალო საფეხურის მოსწავლეებისათვის,ამ დროს ისინი ინფორმატიკას,როგორც საგანს,არ სწავლობენ და,მაშასადამე,საფუძვლიანად ვერ ფლობენ ტექნოლოგიებს.კარგი იქნება ,თუ ეს საკითხი მოგვარდება ზემდგომი ორგანოების მიერ.

-რას უსურვებთ პროექტის მონაწილე ბავშვებს?

-აღებული ტემპის შენარჩუნებას,ზურგის ქარს,ტრადიციების გაგრძელებასა და გამარჯვებით დაგვირგვინებას.

P.S. მგონი ყველაფერი ნათქვამია.ბავშვებს გვიყვარს კომპიუტერი,რადგან ცოდნასთან ერთად იგი გართობის საშუალებაცაა. აბა, სხვანაირად როგორ გავერთოთ?! იშვიათად,რომ კარგი სპექტაკლი ნახო ან კინოფილმი იხილო.იშვიათად,რომ იმოგზაურო....მაგრამ კომპიუტერი მთელ მსოფლიოს მოივლი,იმოგზაურებ კიდეც და კინო-ფილმებსაც ნახავ.მაგრამ წიგნიც ხომ საოცრებათა სამყაროში სამოგზაუროდ გვიწვევს. სად იყო კომპიუტერი,ადამიანი პირველ ასოებს რომ წერდა?! სად იყო ეს ჯადოსნური ყუთი, როცა ქართველი მელექსე ,, ვეფხისა  და მოყმის ამბავს“ თხზავდა?!

პირადად მე,წიგნის კითხვაც დიდი სიამოვნებას მგვრის,დიდტანიანი ნაწარმოებების კითხვა კომპიუტერიტ ნამდვილად არ შემიძლია,

ასე რომ, მშობლებო,შეგვიძინეთ შვილებს ლამაზი და შინაარსიანი წიგნები!

                                 ინტერვიუ ჩაიწერა მე-11 კლასის მოსწავლემ ნინი ებრალიძემ.