Ppretesti qarTulSi - 2011

1.გარდაცვალების წინ დედოფალმა შუშანიკმა თქვა: «უკუეთუ ღირს რაიმე ვარ უკუანაისკნელი ესე მეათერთმეტეი მოქმედი ვენახისაი, იყვენით ყოველნი კურთხეულ უკუნისამდე ჟამთა». რა იგულისხმა შუშანიკმა, როდესაც თავი ვენახის მეთერთმეტე ჟამის მუშაკს შეადარა?                    

 

·        შუშანიკის ღვაწლი მოკრძალებულია, ამიტომ ის თავს არ მიიჩნევს ღვთიური მადლის ღირსად.

·        შუშანიკის ღვაწლი მოკრძალებულია, მაგრამ ღვთიური მადლი მასაც ისევე მიენიჭება, როგორც პირველმოწამეებს.                      

·        შუშანიკის ღვაწლი ქრისტიანული სარწმუნოების წინაშე განუზომლად დიდია, ისევე, როგორც პირველმოწამეებისა.

·        შუშანიკის ღვაწლი ქრისტიანული სარწმუნოების წინაშე გაცილებით ნაკლებია, ვიდრე  პირველმოწამეებისა.

2. გაიხსენეთ ილია ჭავჭავაძის ლექსი «პოეტი». რომელ სტრიქონში ჩანს, რომ ილიას გაცნობიერებული ჰქონდა თავისი საგანგებო დანიშნულება

 

·        «მისთვის არ ვმღერ, რომ ვიმღერო».

·        «ვით ფრინველმა გარეგანმა».

·        «არა მარტო ტკბილ ხმათათვის».

·        «გამომგზავნა ქვეყნად ცამა».  

3. მიხეილ ჯავახიშვილის რომანში «ჯაყოს ხიზნები» ვკითხულობთ: «ჯაყო თეიმურაზის მამულს გარს უვლიდა და, ვითარცა უპატრონო ქონებისა და თავისი ნაოფლარის კანონიერი მემკვიდრე, გააფთრებული გაჰკიოდა: - ჩემია! ჩემია!» ჯაყოს რა თვისება ჩანს ამ მონაკვეთში?               

 

• მოკრძალება.
• მომხვეჭელობა.    
• უპრინციპობა.
• უსაქმურობა.

4. გაიხსენეთ ვაჟა-ფშაველას პოემა «სტუმარ-მასპინძელი». თვითმკვლელობის წინ აღაზა ფიქრობდა, რომ მან და მისმა ქმარმა ქისტებს შესცოდეს. რაში ადანაშაულებდა აღაზა საკუთარ თავს?                 

 

• ზვიადაურის დატირებაში.       
• სამშობლოს ღალატში.
• ჯოყოლას მოტყუებაში.
• ჯოყოლას ღალატში.

5. რის საფუძველზე დაწერა გიორგი მერჩულემ თავისი თხზულება «გრიგოლ ხანძთელის ცხოვრება»?   

 

• არსენ კათალიკოსისა და ეფრემ მაწყვერელის მონათხრობის საფუძველზე.
• გრიგოლის მოწაფეთა და მოწაფეთა მოწაფეების მონათხრობის საფუძველზე.      
• დედა ეფემიასა და აშოტ კურაპალატის ვაჟების მონათხრობის საფუძველზე.
• პირადი ურთიერთობისა და თავად გრიგოლის მონათხრობის საფუძველზე.

6. რომელ წინადადებაში არ არის სწორად დასმული სასვენი ნიშანი?

 

• სტუმარს როგორც ჩანს, ბევრი არ იცნობდა. 
• სამწუხაროდ, მატარებელი ხვალ დილამდე აღარ გადიოდა.
• საბედნიეროდ, ჩვენთვის საინტერესო ცნობა აღმოჩნდა მწერლის არქივში.
• დედა, რასაკვირველია, გაახარა შვილის წარმატებამ.

7. უფხო გადატანითი მნიშვნელობით ნიშნავს:     

 

• უნიჭოს.
• უპოვარს.
• უუნაროს.
• უჭკუოს.

8. გაიხსენეთ ვაჟა-ფშაველას პოემა «ალუდა ქეთელაური». ხევსურებმა უთხრეს ალუდას: «წესი არ არის მტრის მოკვლა, თუ ხელ არ მასჭერ დანითა». რა უპასუხა ალუდამ თანასოფლელებს?        

 

• «ვაი ეგეთას სამართალს».                
• «ნუ იტყვით ვაჟკაცის აუგს».
• «რაად სწყრებიან ხევსურნი».
• «საქმე მოგირთავ ავადა».

9. გაიხსენეთ «აბო თბილელის წამება». მაჰმადიანთა აზრით, რატომ იყო აბოს დასჯა აუცილებელი?

 

• სხვა მაჰმადიანებს რომ არ მიებაძათ აბოსათვის.               
• ქრისტიანებს აბო წმინდანად რომ არ შეერაცხათ.
• ქრისტიანებს აჯანყებაზე რომ არ ეფიქრათ.
• ხალხს რომ აბოს სახელიც კი აღარ ეხსენებინა.

10. გაიხსენეთ კონსტანტინე გამსახურდიას რომანი «დიდოსტატის მარჯვენა». რომელი ისტორიული რეალობა განაპირობებდა იმას, რომ «ამ მაგალითით დაშინებული ტფილისელი ამირაც გატვრინული იყო»?